Fjölskylduguðsþjónusta kl. 11.00. Kveikt á fyrsta aðventukertinu, börn úr TTT og 6-9 ára starfinu syngja og börnin setja upp fjárhúsið í Betlehem. Söngur, sögur, myndir.
Aðventuhátíð kl.20.00 Forseti Íslands flytur hugleiðingu. Það er ómissandi hefð að byrja aðventuna með helgri stund í kirkju. Á aðventukvöldi Breiðholtskirkju, fyrsta sunnudag í aðventu, verður boðskapur og tilhlökkun aðventunnar fönguð í hátíðarstemningu. Þá mun forseti Íslands, dr. Guðni Th. Jóhannesson flytja okkur hugvekju. Kirkjukórinn syngur aðventu- og jólasöngva undir stjórn Arnar Magnússonar og fermingarbörnin sýna helgileik um ljósið sem skín í myrkrinu. Þá mun sr.Þórhallur Heimisson leiða bæn. Að stundinni lokinni munu sóknarnefnd og Hollvinafélag kirkjunnar bjóða upp á heitt súkkulaði og smákökur í safnaðarheimilinu þar sem tækifæri gefst til þess að styrkja Hollvinafélagið. Með aðventukvöldinu hefst jólaundirbúningur Breiðholtskirkju og eru allir hvattir til þess að njóta þess fjölbreytta helgihalds sem kirkjan býður upp á í desember