Sunnudagaskóli kl. 11 í umsjá Steinunnar Þorbergsdóttur. Biblíusaga, söngur, brúður og börnin fá límmiða á bænaplakatið. Hressing í lokin og kaffisopi fyrir foreldrana.
Messa kl. 14 með þátttöku Skaftfellingafélagsins. Athugið breyttan messutíma! Sr. Bryndís Malla Elídóttir prédikar og þjónar fyrir altari ásamt sr. Gísla Jónassyni og sr. Gunnari Stíg Reynissyni. Friðrik Vignir Stefánsson leikur á orgelið og Söngfélag Skaftfellinga leiðir sönginn. Messuhópur tekur virkan þátt. Eftir messu verður kaffisala Söngfélags Skaftfellinga í safnaðarheimilinu. Allir hjartanlega velkomnir!