Fjórða sunnudag í aðventu 21. desember verða jólasöngvar fjölskyldunnar kl. 11. Boðskapur helgra jóla verður í fyrirrúmi, sagt verður frá fyrstu jólunum í Betlehem og mikið sungið af fallegum jólasöngvum. Kveikt verður á fjórða aðventuljósinu, englakertinu og einnig verður tekið á móti rauðu baukunum frá Hjálparstarfi kirkjunnar. Öll börn fá glaðning í lokin og síðan verður hressing í safnaðarheimilinu. Allir eru hjartanlega velkomnir að eiga notalega jólastund í kirkjunni.
