Sunnudaginn 26. október verða tvær guðsþjónustur í kirkjunni.
Kl. 11 verður fjölskylduguðsþjónusta í umsjá sr. Bryndísar Möllu Elídóttur. Sögð verður saga úr Biblíunni, Konni kíkir í heimsókn og mikið verður sungið af sunnudagaskólalögum og barnasálmum. Allir fá fallegan límmiða á plakatið sitt og í lokin verður hressing í safnaðarheimilinu.
Kl. 20 verður Tómasarmessa sem ber yfirskriftina Ég vona……… Sr. Sigfús Krisjánsson prestur í Hjallakirkju mun prédika um vonina út frá því sem Biblían boðar um hina vonarríku framtíð. Þorvaldur Halldórsson leiðir tónlistina ásamt sönghópi Tómasarmessunnar. Fyrirbænin skipar stóran sess í messunni og hægt er að bera fram fyrirbænaerefni og þiggja fyrirbæn hjá presti, djákna eða öðru bænafólki. Molsopi í safnaðarheimilinu að messu lokinni.