Í kvöld hefst fyrirlestraröð í safnaðarheimili kirkjunnar um inntak og merkingu helgihalds Þjóðkirkjunnar.  Farið verður í nokkrar lykilspurningar, eins og af hverju signum við okkur, hvernig byrjaði sú hefð?  Hvers vegna er upphafsbæn og blessun í hverri messu? Hvað merkir það eiginlega það sem er sagt í messuliðunum og hvaða tilgangi þjóna þeir?  Hvaða máli skiptir vígslan?  Hvernig tengist messan ritningunni?  Og hvernig tengjast sálmarnir og prédikun ritningunni?

Dr. dr. Sigurjón Árni Eyjólfsson héraðsprestur hefur í mörg ár verið með Biblíulestra á fimmtudagskvöldum, en í ár verður inntak og merking messunnar tekin fyrir.  Fyrirlestrarnir verða tíu og er hver fræðsla sjálfstæð, bæði er því hægt að sækja fræðsluna frá upphafi eða koma í einstök skipti.  Fræðslan hefst fimmtudaginn 18. september kl. 20.  Boðið er upp á molasopa og te.  Fyrirlestrarnir eru öllum opnir og þátttakendum að kostnaðarlausu.

Nánari upplýsingar gefur dr. Sigurjón í síma 896 8108.