Fjölskylduguðsþjónusta kl. 11, sr. Bryndís Malla Elídóttir þjónar og Örn Magnússon stjórnar söngnum. Öllum börnum sem verða fimm ára á árinu verður gefin falleg bók um Kötu og Óla sem finnst gaman að fara í kirkjuna sína. Mikið verður sungið og fjallað verður um söguna um Bartímeus blinda. Boðið verður upp á hressingu í safnaðarheimilinu í lokin.
Tómasarmessa kl. 20 sem ber yfirskriftina að trúa og að treysta. Sr. Bryndís Malla Elídóttir prédikar og Þorvaldur Halldórsson sér um tónlistina. Boðið verður upp á fyrirbæn með smurningu og/eða handayfirlagningu. Molasopi og te í safnaðarheimilinu að messu lokinni.