„Hin fegursta rósin er fundin“
Sunnudaginn 8. desember kl. 20 verður kirkjukórinn með sína árlegu jólatónleika. Flutt verður hefðbundin jóla- og aðventutónlist. Hljóðfæraleikur verður að stærstum hluta í höndum kórfélaga. Einsöngvari á tónleikunum verður Júlía Traustadóttir. Össur Ingi Jónsson leikur á óbó, en einnig verður leikið á fiðlu, trompet og langspil. Einnig mun kórinn frumflytja þrjár útsetningar stjórnandans á gömlum íslenskum jólalögum. Guðný Einarsdóttir, organisti Fella- og Hólakirkju mun leika á orgelið og Örn Magnússon stjórna kórnum. Aðgangseyrir er 2000 kr.