Sunnudagaskóli kl. 11 – Steinunn Leifsdóttir sér um sunnudagaskólann, skoðar í fjársjóðskistuna með börnunum, segir góða sögu úr Biblíunni og svo er alltaf mikið sungið í sunnudagaskólanum. Hressing í lokin og falleg mynd til að lita.
Messa kl. 11 – sr. Bryndís Malla Elídóttir prédikar út frá Matteusi 5:13-16 og þjónar fyrir altari, organisti er Örn Magnússon, kór kirkjunnar syngur og messuhópur tekur virkan þátt. Molasopi í safnaðarheimilinu að messu lokinni.
Kór-andakt kl. 20 – Kór kirkjunnar mun syngja sálma og verk andlegs eðlis. Á milli verka lesa kórmeðlimir ljóð og texta úr íslenskum bókmenntaarfi með trúarlega skírskotun. Enginn aðgangseyrir er á tónleikana en tekið verður á móti frjálsum framlögum í söfnun Þjóðkirkjunnar fyrir línuhraðli til Landspítala Háskólasjúkrahúss.
„Ég varð glaður er menn sögðu við mig: Göngum í hús Drottins“ Sálm 122:1