Fjölskylduguðsþjónusta kl. 11 í umsjá sr. Bryndísar Möllu og Þóreyjar Daggar. Örn organisti leiðir sönginn. Fjársjóðskistan verður á staðnum og tilraun verður gerð til húsbyggingar innan dyra. Öll börn sem verða 5 ára á árinu fá fallega bók að gjöf um Kötu og Óla. Hressing í safnaðarheimilinu í lok stundarinnar.
Tómasarmessa kl. 20, fjölbreytt tónlist í umsjá Þorvaldar Halldórssonar og hljómsveitar KSS. Yfirskrift messunnar er spurningin Hvar er talentan þín? Fyrirbænin skipar stóran sess í Tómasarmessunum og er boðið upp á bæn með smurningu og handayfirlagningu. Einnig má skrifa nöfn á bænmiða eða kveikja á bænaljósi. Tómasarmessan gefur tækifæri til þess að þreifa á nærveru Drottins og upplifa návist hans í bæn og blessun. Kaffi, te og kleinur í safnaðarheimilinu í lokin. Allir velkomnir.