Sunnudagurinn 30. september: Hausthátíð kl. 11, lofgjörð í leik og gleði. Hátíðin hefst með fjölskyldustund í kirkjunni og síðan verður boðið upp á leiki, þrautir, andlitsmálun, haustkórónur og grillaðar pylsur í safnaðarheimilinu. Hollvinafélagið verður með haustbasar þar sem hægt verður að gera góð kaup og styrkja um leið starf félagsins. Frá kl. 12:30 verður orgelandakt í kirkjunni í umsjón organista safnaðarins. Fermingarbörn vetrarins taka virkan þátt í hátíðinni og aðstoða yngri börnin í leikjunum. Hausthátíðin er tilvalið tækifæri til þess að gera sér glaðan dag í kirkjunni.
Fyrsta Tómasarmessa vetrarins verður sama dag kl. 20. Yfirskrift messunnar er orð Jesú: Fylg þú mér. Biskup Íslands frú Agnes M. Sigurðardóttir prédikar. Boðið verður upp á fyrirbæn með handayfirlagningu og smurningu. Fjölbreytt tónlist og mikil lofgjörð. Tekið verður á móti framlögum til Kristniboðssambandsins. Verið velkomin!