Miðvikudaginn 23. nóvember verður fjölbreytt starf í kirkjunni.
Kl. 12 verður kyrrðarstund, með fyrirbæn og altarisgöngu. Boðið verður upp á hádegishressingu í lok stundarinnar í safnaðarheimili kirkjunnar.
Kl. 13:30 hefst samvera eldri borgara „Maður er manns gaman“. Gestur samverunnar verður Örn Magnússon organisti sem mun kynna gömul íslensk hljóðfæri.
Kl. 16:00 koma hressar TTT stúlkur sem taka þátt í starfi tíu til tólf ára barna. Stúlkurnar eru frábærar eins og þær sýndu eftirminnilega í fjölskylduguðsþjónustu síðasta sunnudag. Öll börn á aldrinum tíu til tólf ára eru velkomin í TTT.
Kl. 19:30 hefst æfing hjá kór kirkjunnar sem undirbýr nú jólatónleika sem haldnir verða 18. desember kl. 20.