Það er gott að gefa sér stund til að rækta líkama og sál. Myndin sem fylgir þessum texta kemur frá góðri vinkonu sem mætir reglulega í líkamsræktina í Gáska. Þegar hún er að ganga á göngubrettinu þá má ekki láta höfuðið hanga niður heldur horfa upp og beint fram og þá blasir við krossinn á kirkjunni okkar. Góð áminning um það að það er mikilvægt að rækta trú sína.
Alla miðvikudaga eru bæna- og kyrrðarstundir í kirkjunni sem hefjast klukkan 12 með tónlist. Orð Drottins er lesið, gengið til altaris og beðið fyrir bænarefnum dagsins. Hægt er að koma með bænarefni í stundinni sjálfri eða í síma 587-1500.
TTT er starf fyrir tíu til tólf ára krakka. Á miðvikudaginn ætlum við að fara í ratleik, syngja og heyra biblíusögu. Alltaf hægt að bætast í hópinn, verið velkomin.