Messa og sunnudagaskóli kl. 11. Sr. Bryndís Malla Elídóttir prédikar og þjónar fyrir altari. Julian E. Isaacs leikur á orgelið og stjórnar kirkjukórnum. Sálmarnir sem sungnir verða eru nr. 563, 30, 534, 556, 714 og 67. Molasopi í safnaðarheimilinu að messu lokinni.
Umsjón með sunnudagaskólanum hefur Nína Björg Vilhelmsdóttir djákni ásamt Karenu Ósk Sigþórsdóttur og Lindu Rós Sigþórsdóttur. Kveikt verður á þriðja aðventukertinu, hirðakertinu, lesin jólasaga og sungin jólalög. Sunnudagaskólinn er uppbyggileg stund í húsi Drottins þar sem andi jólanna er áþreifanlegur.