Á miðvikudögum hittast Kirkjukrakkar klukkan 16. Það er ávallt mikil eftirvænting þegar líður að æfingum á jólahelgileiknum. Börnin eru spennt að fá hlutverk í helgileiknum og vitanlega fá allir gott hlutverk. Á næsta fundi ætlum við að æfa jólahelgileikinn og syngja nokkur jólalög. Helgileikurinn er sýndur á annan dag jóla klukkan 14 í kirkjunni við mikinn hátíðleik.
Þau börn sem eru í Bakkaseli geta fengið fylgd til kirkjunnar með leiðtogum. Allir krakkar velkomnir á aldrinum 6 – 9 ára.
Kyrrðarstundir kirkjunnar eru alla miðvikudaga klukkan 12:00. Stundirnar hefjast með tónlist og að henni lokinni er lesið úr Biblíunni og stutt hugleiðing á eftir. Samfélag við borð Drottins og fyrirbænastund í lokin.