Á miðvikudögum eru kyrrðar- og bænastundir hér í kirkjunni. Þær hefjast klukkan 12:00. Hægt er að koma bænarefnum til presta símleiðis eða í kirkjunni. Það er ómetanlegt að sameinast í bæn með öðrum, hlýða á orð Drottins og styrkjast í trúnni. Allir eru hjartanlega velkomnir. Eftir stundina er boðið upp á léttan hádegisverð í safnaðarheimilinu.
Maður er manns gaman, það eru orð að sönnu. Hópur fólks sem hittist í kirkjunni annan hvern miðvikudag, klukkan 13:30, kallar sig þessu ágæta nafni. Á morgun, miðvikudag, ætlum við að hittast og eiga notalega stund saman, við spilum, spjöllum og föndrum. Vertu velkomin og endilega taktu með þér gest.
Kirkjuprakkarar hittast á miðvikudögum klukkan 16:00. Á morgun (miðvikudag) ætlum við að halda áfram undirbúningi fyrir hausthátíðina. Þá ætlum við að mála myndir í glugga safnaðarheimilisins, því er mikilvægt að börnin mæti í fötum sem mega fá málningarslettur í sig. Það geta allir krakkar á aldrinum 6-9 ára orðið kirkjuprakkarar, bara að mæta í kirkjuna.